Ul me Lach

Me sum da Binach, minga da Comm,

ma sum sempar staa innamurà

del so lac e del so dom.

Quant ca seri piscinin

la me mama la ma purtava giò,

andavum da la part d’ul giardin.

Quant seri stuff a ga scapavi via

e incuminciavi a cur in so la riva

fin a rivà a la funivia.

“ Ciapemal, ciapemal quel disperaa ”

la vusava la pora dona,

“ Al ma scapaa via e al va a negas ”.

Me a curevi in sol marciapee,

cumè ciapaa da una pasium

e guardavi minga indree.

A capivi no cusè ca l'era,

ma a sentivi cumè una careza

ca la ma tirava, cumè la bandera.

Ades ca sum divetaa grant

e sunt andaa e andaa in barca,

anca a Natal, so fin a Griant,

capisi ca l'era e l'è un amur,

ca ta podat no metig i corni,

ca l'è cumè l'edera in sul mur.

#ilPoeta